Euro Connection е европски ко-продукциски форум на кратки филмови што секоја година се одржува за време на филмскиот маркет Клермон-Феран во Франција и во чиј фокус е единствено краткиот филм. 14-тото издание ќе се одржи на 1 и 2 февруари 2022 со поддршка од Креативна Европа МЕДИА. Трета година продуцентите од Северна Македонија може да аплицираат за учество преку националниот партнер МЕДИА Деск МК.
Оваа година во програмата учествуваат 14 селектирани проекти. Продуцентите на проектите ќе имаат прилика да бидат дел од работилница за пичинг, пичинг сесии како и да се претстават пред 150 професионалци од филмската индустрија, да се сретнат со потенцијални ко-продуценти и да одржат индивидуални консултации.
За селектираните продуценти, организаторот покрива сместување, акредитација за филмскиот саем во Клермон-Феран, како и рефундирање на дел од патните трошоци.
*Авторите/режисерите се добредојдени да се приклучат на програмата во заедничко сместување со продуцентите. За нив исто така ќе биде обезбедена акредитација и пристап до сите програми на маркетот.
Услови за пријавување:
Проектите мора да бидат од следниве земји: Австрија, Белгија, Бугарија, Хрватска, Кипар, Чешка, Данска, Финска, Франција, Германија, Грција, Унгарија, Исланд, Ирска, Италија, Луксембург, Малта, Холандија, Норвешка, Полска, Португалија, Романија, Северна Македонија, Словачка, Словенија, Србија, Шведска, Велика Британија.
Проектот треба да ги исполнува следните критериуми:
- проектот мора да биде краткометражен филм (анимиран, игран, креативен документарен) максимално времетраење до 30 минути
- проектот мора да има осигурано еден дел финансиски средства од земјата од која доаѓа
- проектот треба да има потенцијал за ко-продукција или да биде наменет за меѓународна ко-продукција
- продукција или снимање не смее да започне пред јуни 2022 година
- продуцентот кој ќе биде селектиран се обврзува лично да учествува на Euro Connection
Националниот партнер во секоја земја е задолжен да ги собере и провери апликациите, да формира комисија за евалуација за номинација на еден до два проекти. Апликациите треба да се испратат најдоцна до 20-ти октомври. Продуцентите на одбраните проекти се обврзуваат 7 дена по објавата да достават пријава на англиски јазик. Европско жири ќе одбере најмногу 13 проекти, а сите финалисти ќе бидат известени за листата на одбрани проекти до крајот на ноември 2021-та година.
Како се аплицира:
Апликацијата треба да се испрати во заедно со сите дополнителни документи кои се наведени.
Апликација:
pdf-format euroconnection pdf 2022
Word-format euroconnection 2022
*нецелосна апликација или проект кој не ги исполнува условите нема да биде евалуиран.
Ве молиме испратете ја вашата апликација електронски на: emilija.romeva@ced.mk
Рок за пријавување: 20/10/2021
Повеќе информации во МЕДИА Деск МК или на emilija.romeva@ced.mk
Дополнителни информации:
https://www.clermont-filmfest.org/en/short-film-market/euro-connection/