„Креативна Европа МЕДИА“ ќе учествува на „Gamescom 2026“, што ќе се одржи од 26 до 28 август 2026 година во Келн, Германија, со посебен штанд, настан за вмрежување и две презентации на проекти.
„Gamescom“ е најголемиот светски настан посветен на компјутерски и видеоигри и најголемата европска деловна платформа за индустријата за видеоигри. Настанот ги обединува играчите на видеоигри, професионалците од индустријата и изложувачите, како во живо така и онлајн.
Сите посетители на „Gamescom“ се поканети да го посетат штандот на „Креативна Европа МЕДИА“ и да се запознаат со активностите и можностите што ги нуди програмата.
Штанд на Креативна Европа
Локација: Хала 03.2
Штанд: D050g – F051g
Работно време:
Среда, 26 август: 09:00 – 19:00 часот
Четврток, 27 август: 09:00 – 20:00 часот
Петок, 28 август: 09:00 – 18:30 часот
Програма на настани
Среда, 26 август | 10:00 – 11:30 часот
„Meet Your Neighbours“ – настан за вмрежување
Овој настан за вмрежување ќе ги поврзе европските креатори и издавачи на наративни игри со цел размена на искуства, дискусија за предизвиците во индустријата и создавање нови можности за соработка.
Во рамки на тркалезни маси, избраните учесници ќе разговараат за теми како:
Како да ја реализирате вашата игра: издавање и маркетинг;
Надвор од границите: меѓународна соработка и странски пазари;
Размислувајте пошироко: развој и искористување на интелектуална сопственост (IP);
Сè за финансирањето: обезбедување средства за следниот проект за видеоигри.
Настанот е само со покана. Бројот на местата е ограничен, а учесниците ќе бидат избрани.
За дополнителни информации, контактирајте ја Канцеларијата на МЕДИА на Германија:
Creative Europe Desk NRW (info@ced-nrw.eu)
Среда, 26 август | 16:30 – 17:30 часот
Презентација на МЕДИА-проекти
Посетителите ќе имаат можност да се запознаат со проекти финансирани преку „Креативна Европа МЕДИА“, кои имаат особено значење за индустријата за видеоигри и за професионалците од оваа област.
Организатор: Европската извршна агенција за образование и култура (EACEA)
По презентацијата ќе следува „Networking Happy Hour“.
Место: Штанд на Креативна Европа МЕДИА
(Хала 03.2 / D050g–F051g)
Пристап: Потребен е Gamescom-беџ.
Регистрација не е потребна.
* Проекти што ќе бидат претставени:
TRACKS
Иновативна платформа за маркетинг-интелигенција развиена од „Second Stage GmbH“, која им помага на создавачите и издавачите на PC-игри и конзолни игри да ги подобрат маркетинг-стратегиите преку анализа на податоци, евалуација на кампањи и подобро разбирање на европскиот пазар на видеоигри.
CORPUS.MUSIC
Проект развиен од „Sofilab GmbH“, кој развива музичка технологија базирана врз вештачка интелигенција – приспособлива и контекстуално чувствителна музика развиена преку заедничка библиотека со фокус на квалитет, оригиналност и разновидност. Креаторите и соработниците ги задржуваат своите права и имаат долгорочен удел во системот.
Четврток, 27 август | 16:00 – 17:00 часот
Презентација на МЕДИА-проекти
Ќе бидат претставени дополнителни проекти финансирани преку „Креативна Европа МЕДИА“, релевантни за индустријата за видеоигри и за професионалците.
Место: Штанд на Креативна Европа МЕДИА
(Хала 03.2 / D050g–F051g)
Пристап: Потребен е Gamescom-беџ.
Регистрација не е потребна.
* Проекти што ќе бидат претставени:
BLUEBOTTLE
Проект развиен од „BlueBottle GmbH“, кој се фокусира на преноси на е-спортови (esports) и комерцијализација. Решението овозможува подобрување на преносите во живо преку визуализација на податоци во реално време, интерактивни елементи и интегрирано дигитално рекламирање слично на традиционалните спортски натпревари.
GAMESKILLS
Програма предводена од „Gamaste“, која нуди тренинг-работилници, индивидуални состаноци и онлајн заедница за професионалци од индустријата за видеоигри.
„Креативна Европа МЕДИА“ на „Gamescom 2026“ претставува одлична можност за европските креатори на видеоигри, студија и професионалци од секторот за видеоигри да се поврзат, да разменат искуства и да создадат нови меѓународни партнерства.