Отворено е пријавувањето за „Future Ready“, професионална тридневна програма за обука наменета за филмски, телевизиски и медиумски професионалци кои сакаат да ги зајакнат своите знаења и вештини во областа на вештачката интелигенција (AI), имерзивните технологии и дигиталните иновации во европскиот аудиовизуелен сектор.
Програмата е иницирана од „International Screen Institute“ и е наменета за продуценти и аудиовизуелни професионалци кои сакаат подобро да ги разберат можностите и предизвиците што ги носи дигиталната трансформација на индустријата.
Обуката ќе се одржи од 30 ноември до 2 декември 2026 година во Виена, Австрија, како комбинација од тридневна работа во живо и дополнителен онлајн модул за следење и примена на стекнатото знаење.
Кој може да аплицира?
Програмата е наменета за професионалци со најмалку две години искуство во филмската, телевизиската и медиумската индустрија, вклучувајќи:
продуценти;
линиски продуценти и продукциски менаџери;
професионалци на средно и на високо менаџерско ниво;
фриленсери;
професионалци за продажба и дистрибуција;
развојни директори;
уредници на сценарија (script editors);
фестивалски програмери;
други носители на одлуки и иницијатори на промени во аудиовизуелниот сектор.
Апликациите се отворени за кандидати што ги исполнуваат критериумите за учество.
Што нуди програмата?
„Future Ready“ се базира врз практичен и колаборативен пристап кој вклучува:
интерактивни сесии и студии на случаи;
работа и размена на искуства меѓу учесниците;
јавна дискусија со претставници од индустријата;
можности за професионално поврзување;
индивидуално менторство и поддршка поврзана со конкретни професионални предизвици.
Учесниците ќе работат на теми поврзани со:
примена на вештачка интелигенција и имерзивни технологии во продукциските процеси;
развој на одржливи и етички одговорни дигитални работни процеси;
разбирање на правните рамки поврзани со создавање дигитални содржини;
управување со ризиците и можностите што ги носат новите технологии;
соработка меѓу креативци, технолози и правни експерти.
„Future Ready“ може да се посетува самостојно, а се одржува непосредно пред „Hands-on AI Producers Lab“ во Виена. Двете програми се независни, но се концепциски и практично поврзани, при што овозможуваат дополнително продлабочување на темите поврзани со вештачката интелигенција и иднината на продукцијата.
Финансиска поддршка
За учесници од земји со помал аудиовизуелен капацитет, „International Screen Institute“ има информации за финансиска поддршка преку различни механизми, вклучително и поддршка поврзана со „Креативна Европа – МЕДИА“. За можностите и условите за РС Македонија, кандидатите треба да се информираат директно кај организаторот и/или кај националната Канцеларија за Креативна Европа (МЕДИА).
Краен рок за пријавување: 15 август 2026 година (продолжен рок)
„Future Ready“ нуди можност за професионалците во аудиовизуелниот сектор да стекнат нови знаења, да развијат иновативни пристапи и активно да учествуваат во обликувањето на иднината на европската филмска и медиумска индустрија.
Повеќе информации за повикот има на следниов линк: