Во тек е пријавувањето за IDFAcademy 2026 – интензивна програма за професионален развој на режисери и продуценти на документарни филмови, што се реализира во рамките на International Documentary Film Festival Amsterdam (IDFA), еден од најзначајните фестивали за документарен филм во светот.
Програмите IDFA Talent Development се поддржани од „Креативна Европа – МЕДИА“, а IDFAcademy претставува една од најреномираните меѓународни програми за професионален развој на автори и продуценти на документарен филм.
IDFAcademy ќе се одржи од 12 до 15 ноември 2026 година во Амстердам и е наменета за интернационални автори во развој кои сакаат да ги прошират своите знаења, да воспостават нови професионални контакти и да стекнат увид во современата меѓународна документарна индустрија.
Програмата вклучува мастерс-класови, работилници, тркалезни маси, студии на случај, индивидуални средби и можности за вмрежување со реномирани професионалци од областа на документарниот филм. Учесниците ќе имаат можност да разменуваат искуства, да воспостават нови професионални контакти и да се поврзат со меѓународната документарна заедница.
Крајниот рок за поднесување на пријавите е 1 август 2026 година.
За повеќе информации за условите за учество и начинот на аплицирање, посетете ја официјалната веб-страница на IDFA.
https://professionals.idfa.nl/training-funding/training/idfacademy/