„European Film Promotion“ (EFP) објавува повик за апликации за „Film Sales Support“ (FSS) за „TIFF:
The Market“, што ќе се одржи од 10 до 16 септември 2026 година.
„Film Sales Support“ (FSS) е програма наменета за европски компании за меѓународна филмска продажба (world sales companies), со цел поддршка на промоцијата и продажбата на европски филмови надвор од Европа.
Поддршката се однесува на пријавување дигитални и аналогни промотивни кампањи за европски филмови, насочени кон купувачи и дистрибутери надвор од Европа.
Краен рок за аплицирање: 20 август 2026 година
Апликациите се поднесуваат преку онлајн платформата:
EFP Application Portal: https://application.efp-online.com/
Апликации можат да поднесат:
европски компании за меѓународна филмска продажба (world sales companies) регистрирани во „Funding & Tender Opportunities Portal“ на Европската комисија и одобрени од соодветниот национален филмски промотивен институт;
европски компании за меѓународна филмска продажба (world sales companies) чии продажни агенти присуствуваат на пазарот.
Поддршката е достапна за:
завршени и незавршени европски филмови со оригинално авторско право воспоставено во 2025/2026 година;
филмови во продукција или постпродукција (незавршени филмови);
мнозински европски продукции со минимална должина од 60 минути, од земји кои се дел од „Креативна Европа МЕДИА“ (Creative Europe MEDIA) и ги исполнуваат условите од „FSS Guidelines“.
Поддржани жанрови:
играни филмови;
анимирани филмови;
документарни филмови (долгометражни).
Една апликација може да вклучува најмногу 5 европски завршени и/или незавршени филмови.
Филмови кои претходно добиле поддршка преку FSS на друг фестивал или филмски пазар не се подобни за повторна апликација.
FSS обезбедува грантови за:
дигитални и аналогни промотивни кампањи за европски завршени филмови на филмски фестивали и аудиовизуелни пазари надвор од Европа, вклучително и пакети од завршени и незавршени филмови;
дигитални промотивни кампањи за европски филмови на двата европски аудиовизуелни пазари: „European Film Market“ (EFM), Берлин и „Marché du Film“, Кан.
Поддршката може да покрие до 50 % од вкупните трошоци на кампањата, со максимален грант од:
– 5 000 евра по кампања, или
– до 5 500 евра со вклучен „Top Up Grant Inclusion“.
FSS не покрива патни трошоци и трошоци за хотелско сместување за присуство на пазарот.
Top Up Grant Inclusion
EFP обезбедува дополнителна поддршка до 500 евра за промотивни кампањи на филмови кои прикажуваат и промовираат:
родова рамнотежа;
еднаквост;
инклузија.
Доделувањето на дополнителниот грант зависи од исполнувањето на критериумите и од расположливите средства.
Одржливост во филмската продукција
Во согласност со заложбите на EFP за одржлива филмска индустрија, секоја апликација треба да содржи информации дали филмот е зелена продукција, кои мерки за одржливост се применети или, доколку не се применети, причините за тоа.
Целосните услови и критериуми се достапни во FSS Guidelines:
https://efp-online.com/uploads/FSS-Guidelines-2026-27.pdf
Доколку филмот е селектиран на фестивалот и доколку претставник на европската светска продажна компанија или ангажиран публицист присуствува на фестивалот, апликацијата може да се поднесе преку соодветниот фестивалски повик.
Рокот за аплицирање во тој случај е две недели пред почетокот на конкретниот фестивал.
Важно: Не е дозволено поднесување апликација и за фестивалот и за придружниот филмски пазар истовремено.
Информации за повикот има на следнава веб-страница:
https://efp-online.com/news/public-call-for-fss-at-tiff-the-market-2026