Институтот „Ерих Помер“ (Erich Pommer Institut – EPI), со поддршка од програмата „Креативна Европа – МЕДИА“, нуди серија онлајн обуки (eTrainings) наменети за професионалци од филмскиот и аудиовизуелниот сектор.
Обуките се одвиваат онлајн на англиски јазик и овозможуваат флексибилно учење со пристап до материјалите во подолг временски период.
Програмите се наменети за филмски професионалци кои сакаат да ги унапредат своите знаења и вештини во области како продукција, маркетинг, одржливост, развој на публика, презентирање проекти (pitching), договори, дигитална трансформација и нови технологии.
За учесници од земји со ниски продукциски капацитети (Low Production Capacity) во рамките на програмата „Креативна Европа – МЕДИА“, за одредени обуки има можност за финансиска поддршка, намалени котизации или стипендии, во согласност со условите на секој поединечен курс.
Онлајн обуки:
• Green Production/Зелена продукција
Обезбедува практични знаења за одржливо филмско и телевизиско производство, намалување на влијанието врз животната средина и примена на зелени практики во продукцискиот процес.
• Sustainable Workplaces in Film & TV/Одржливи работни места во филмската и ТВ-индустријата
Фокусирана на создавање поздрави, поинклузивни и поодржливи работни средини во аудиовизуелниот сектор.
• Marketing in Film and TV: Finding and Keeping Audiences/Маркетинг во филмската и телевизиската индустрија: Пронаоѓање и задржување публика
Обуката ги обработува стратегиите за маркетинг, развој на публика, позиционирање на содржини и комуникација со гледачите.
• AI Fundamentals/Основи на вештачката интелигенција (AI)
Вовед во можностите и предизвиците што ги носи вештачката интелигенција за филмската и аудиовизуелната индустрија.
• Change Management in Film & TV/Управување со промени во филмската и ТВ- индустријата
Нуди знаења за адаптација кон нови бизнис-модели, дигитална трансформација и современи начини на работа.
• The Art of Pitching/Уметноста на пичингот
Практична обука за развивање и презентирање филмски и ТВ-проекти пред продуценти, партнери и финансиери.
• Key Agreements for Film and TV/Клучни договори за филм и телевизија
Обезбедува основни знаења за најважните договорни аспекти во филмската и во телевизиската индустрија.
• Storytelling – The Collaborative Model/Раскажување приказни – колаборативен модел
Обработка на современи пристапи кон развој на приказни и креативна соработка.
• Agile Innovation Management – Mindset and Methods in a Nutshell/Агилно управување со иновации – пристапи и методи
Вовед во иновативни методологии, агилни пристапи и алатки за развој на проекти и организации.
Професионалците од филмскиот и аудиовизуелниот сектор можат да се пријават на онлајн обуките во согласност со условите наведени за секој поединечен курс.
Обуките се достапни онлајн во текот на целата година, а пријавувањето се врши директно преку платформата на Институтот „Ерих Помер“.
Повеќе информации за онлајн програмите, условите за учество и можностите за финансиска поддршка се достапни на официјалната веб-страница на Институтот „Ерих Помер“.
Линк до онлајн обуките: https://www.epi.media/en_GB/eTrainings