Është hapur thirrja për rezidenca për këngëtarë dhe muzikantë në kuadër të projektit ARTEMIS
ARTEMIS është projekt trevjeçar i një konsorciumi prej 10 organizata ndërkombëtare nga sektori i muzikës. Projekti është i përkushtuar në ruajtjen, transmetimin dhe promovimin e praktikës së interpretimit në instrumente historike si dhe në mbështetjen e artistëve të rinj nga Evropa dhe vendet fqinje në zhvillimin e karrierave të tyre evropiane dhe ndërkombëtare. Projekti mbështetet dhe financohet nga programi “Evropa Kreative”.
Në periudhën 2026–2028, në kuadër të ARTEMIS-it, do të organizohen më shumë se 10 trajnime në 10 vende të ndryshme, të hapura për artistë dhe profesionistë nga të gjitha vendet evropiane dhe vendet fqinje të kualifikuara.
Partnerët e projektit janë: Orkestra e Champs-Élysées (Orchestre des Champs-Élysées) në Poitiers, Francë; Grupi Spitalor Universitar i Sorbonës (Sorbonne University Hospital Group) në Paris, Francë; Akademia e Muzikës “Arte” (Arte Music Academy) në Nikozia, Qipro; Instituti i Lartë i Muzikës në Tuniz (Higher Institute of Music of Tunis) në Tunis, Tunizi; Open Opera Ukraine në Kiev, Ukrainë; Salla e Koncerteve “Great Amber” (Great Amber Concert Hall) në Liepaja, Letoni; Eborae Musica në Évora, Portugali; Qendra Kursaal (Centro Kursaal) në San Sebastián, Spanjë; FAMES në Shkup, Maqedonia e Veriut, dhe Teatri Kombëtar i Operës dhe Baletit i Armenisë (Armenian National Opera and Ballet Theatre) në Jerevan, Armeni.
Programi i aktiviteteve është i fokusuar rreth 4 habeve dhe 4 programeve artistike:
– 2026 Habi Mesdhetar: Mesdheu në operë
– 2027 Habi Baltik: 1827–2027: 200 vjet nga Ludwig van Beethoven
– 2027 Habi Atlantik: Bota e Re me Dvořák
– 2028 Habi Lindor: Opera franceze në shekullin XIX
Aktualisht është shpallur thirrja e hapur për aktivitetet që do të realizohen në vitin 2026 në kuadër të Habit Mesdhetar. Programi organizohet nga Orkestra e Champs-Élysées (Paris, Francë), Instituti i Lartë i Muzikës në Tunizi dhe Akademia e Muzikës “Arte” (Nikozia, Qipro). Programi artistik është i fokusuar në “Mesdheu në operë (Mozart, Haydn, Rossini)” dhe përfshin:
– Rezidencë për këngëtarë dhe pianistë nga 23–28 qershor 2026 në ARTE Music Academy (Nikozia, Qipro), me Jérôme Correas dhe Anne Bertin-Hugault
– Akademi orkestrale për instrumentistë dhe këngëtarë nga 19–25 tetor 2026 në Institutin e Lartë të Muzikës në Tunizi, me Alessandro Moccia dhe Sandrine Piau. Instrumentistët që do të marrin pjesë në Akademinë e tetorit 2026 në Tunizi mund të kenë mundësi të marrin pjesë edhe në një akademi tjetër të ARTEMIS.
Më shumë informacion për thirrjen mund të gjeni në këtë link.