„Следење на соѕвездијата – Приказни за културата, соработката и влијанието низ проектите за соработка на Креативна Европа (2021 – 2024)“ е нова публикација на Извршната агенција за образование и култура во кој се опфатени 50 проекти финансирани во рамките на повикот за ,,Европски проекти за соработка“ од потпрограмата Култура на Креативна Европа во периодот 2021 – 2024 година.
Публикацијата се фокусира на пет тематски „соѕвездија“:
Европски вредности и демократија;
Нови практики и модели во културниот сектор;
Дигитална трансформација;
Зелена транзиција и одржливост;
Млади.
Првото соѕвездие, Европски вредности и демократија, ги претставува проектите чија цел е да ги поттикнат активното граѓанство, заедничките вредности, инклузијата и интеркултурниот дијалог во Европа и пошироко во светот.
Новите практики и модели во културниот сектор, како второ соѕвездие, ги истакнуваат иницијативите кои се справуваат со специфичните предизвици со кои се соочуваат овие сектори – од несигурните работни услови до потребата од одржливи деловни модели.
Во третото тематско поглавје, Дигитална трансформација, проектите истражуваат како културните работници се приспособиле кон дигиталните промени и како користат нови алатки за да обезбедат европската култура да напредува во дигиталната ера.
Зелената транзиција и одржливоста го претставуваат четвртото соѕвездие, покажувајќи дека културата има клучна улога во справувањето со најсложените општествени предизвици, вклучително и зелената транзиција на Европа.
Петтото соѕвездие, Млади, прикажува како проектите за соработка ги вклучуваат младите преку различни и иновативни пристапи, создавајќи можности за нивно активно учество, како публика и како културни професионалци, во европскиот културен живот.
Преку овие тематски целини, публикацијата покажува како проектите поддржани од Креативна Европа ги претвораат европските приоритети во конкретни практики, партнерства и резултати на терен.
Публикацијата можете да ја преземете на следниов линк: