Komisioni Evropian publikoi një thirrje të re në kuadër të iniciativës „Evropa Performuese (Perform Europe)“ e cila do të mbështesë një organizatë ose një konsorcium organizatash që do të jenë përgjegjës për zhvillimin dhe menaxhimin e fazës së ardhshme të Perform Europe — një platformë evropiane e konceptuar për ta bërë më të qëndrueshme, më gjithëpërfshirëse dhe më inovative turneun ndërkufitar dhe shpërndarjen digjitale të veprave nga artet performuese.
Buxheti i përgjithshëm i thirrjes është 2 milionë euro, nga të cilat të paktën 70% janë të destinuara për grante kaskadë që mbështesin projekte në artet performuese, si: teatër, vallëzim, performancë, cirk dhe kukullari.
Qëllimi
Duke u mbështetur në arritjet e dy fazave të para, kjo fazë e re e Perform Europe ka për qëllim të testojë dhe promovojë modele të reja të turneve në vendet pjesëmarrëse të programit „Evropa Kreative“ që:
• ulin ndikimin negativ mbi mjedisin
• forcojnë kushtet e drejta të punës
• promovojnë produksione gjithëpërfshirëse
• përmirësojnë qasjen tek audienca dhe komunitete të larmishme.
Aktivitete
Thirrja është e hapur për organizata ose konsorciume organizatash me ekspertizë të dëshmuar në artet performuese dhe bashkëpunimin ndërkufitar. Përfituesi i zgjedhur do të duhet të:
• projektojë dhe menaxhojë platformën digjitale Perform Europe (2026–2028)
• organizojë thirrje të hapura për financimin e projekteve të turneve dhe shpërndarjes përmes granteve kaskadë
• sigurojë aktivitete për forcimin e kapaciteteve, mentorim dhe shkëmbim njohurish
• mirëmbajë dhe përmirësojë infrastrukturën digjitale dhe mjetin për lidhje (matchmaking)
• zhvillojë aktivitete për arritjen e audiencës, branding dhe komunikim
• mbledhë, analizojë dhe shpërndajë të dhëna dhe të kontribuojë në zhvillimin e politikave në sektorin e arteve performuese.
Prioritetet
Të gjitha aktivitetet në kuadër të Perform Europe duhet të kontribuojnë në:
• mobilitet ndërkufitar të drejtë dhe të qëndrueshëm
• përfshirje, diversitet dhe barazi gjinore
• tranzicionin e gjelbër dhe digjital në artet performuese
• zbatimin e kushteve më të mira të punës dhe kompensim të drejtë për artistët dhe profesionistët e kulturës
• qasje të barabartë të gjeneratave të reja në mundësitë e shpërndarjes
• mbështetje për artistët dhe operatorët kulturorë ukrainas.
Kohëzgjatja: granti mbulon periudhën prej 24 muajsh (2026–2028).
Aplikantë të kualifikuar
Në thirrje mund të aplikojnë persona juridikë aktivë në sektorin e arteve performuese dhe të themeluar në vendet pjesëmarrëse të programit „Evropa Kreative“.
Aplikimet mund të dorëzohen nga:
• një organizatë e vetme
• një konsorcium i përbërë nga të paktën tre organizata nga tre vende të ndryshme të kualifikuara.
Mënyra e përgatitjes dhe dorëzimit të projekteve/aplikimit
• Projektet përgatiten në përputhje me kriteret dhe kushtet e përcaktuara në dokumentin e thirrjes: (CREA-CULT-2026-PERFORM-EU), Version 1.0, 30 tetor 2025. Thirrjen dhe dokumentin e thirrjes mund t’i gjeni këtu.
• Aplikimet përpunohen dhe dorëzohen elektronikisht përmes Funding & Tenders Opportunity Portal (F&TP). Informacione për qasjen në F&TP mund t’i gjeni këtu.
Më shumë informacion për aksionin Perform Europe mund të gjeni këtu.