Bashkimi Evropian për periudhën 2021-2027 ofron fonde për sektorët kulturorë dhe kreativ dhe sektorin audiovizual përmes programeve të tjera të Unionit.
Udhëzues për financimin e kulturës – CulturEU Funding Guide
Udhëzuesi interaktiv është mjet i zhvilluar nga Komisioni Evropian dhe synon të lehtësojë qasjen në mundësitë e financimit për sektorët kulturorë dhe kreativ përmes programeve të ndryshme të Bashkimit Evropian të disponueshme në periudhën 2021-2027.
Udhëzuesi i udhëzon në mënyrë efektive palët e interesuara drejt mundësive të mundshme të financimit përmes një grupi të shkurtër dhe të qartë të pyetjeve që lidhen me aktivitetin, llojin e organizatës dhe llojin e mbështetjes së kërkuar. Pas përfundimit të këtyre hapave, mjeti ngushton rezultatet dhe shfaq burimet përkatëse të financimit dhe thirrjet e hapura në përputhje me përgjigjet e dhëna. Rezultatet përfshijnë gjithashtu informacion mbi buxhetin e disponueshëm, procesin e aplikimit dhe lidhje specifike me programet ose thirrjet.
Publikimi digjital CulturEU Funding Guide, në të cilin mund të gjeni informacion mbi përdorimin e këtij mjeti, por edhe mbi programet plotësuese të Bashkimit Evropian që financojnë projekte në fushën e sektorëve kulturorë dhe kreativ, mund të shkarkohet këtu.
Shembuj të praktikave të mira të projekteve në fushën e sektorëve kulturorë dhe kreativ të mbështetur nga programe të tjera të Bashkimit Evropian mund të gjenden këtu.
Programi i BE-së në Republikën e Maqedonisë së Veriut
- Institucioni kompetent për programet e Unionit në nivel horizontal është Ministria e Çështjeve Evropiane
Ueb faqja: https://mep.gov.mk
Programet komplementare të BE-së
- Horizont Europa
Institucioni kompetent: MASH
Ueb faqja: https://mon.gov.mk - Erazmus Plus
Institucioni kompetent: MASH –Agjencia nacionale për programe arsimore dhe mobilitet
Ueb faqja: https://www.na.org.mk - Europa digjitale
Institucioni kompetent: Ministria e Transformimit Digjital
Ueb faqja: https://mdt.gov.mk
BAUHAUSI I RI EUROPIAN
Bauhaus i ri evropian (BRE) është iniciativë politike dhe financimi e Bashkimit Evropian që synon ta bëjë transicionin e gjelbër në mjedisin e ndërtuar më të këndshëm, tërheqës dhe të rehatshëm për qytetarët evropianë, duke përmirësuar mirëqenien dhe ndjenjën e tyre të përkatësisë. Iniciativa promovon zgjidhje që nuk janë vetëm të qëndrueshme, por edhe gjithëpërfshirëse dhe estetikisht të këndshme, duke respektuar diversitetin e vendeve, traditave dhe kulturave në Evropë dhe më gjerë.
Bauhausi i ri europian realizohet nëpërmjet:
- përfshirja e njerëzve nga komunitetet lokale, me fokus në fqinjësi;
- ofrimi i mjeteve dhe udhëzimeve;
- ofrimi i zgjidhjeve të përshtatura për komunitete të ndryshme;
- përfshirja e opinioneve nga palë të ndryshme të interesuara në procesin e hartimit dhe zbatimit;
- prioretizimi i njerëzve dhe përfshirjes sociale, por edhe i ekonomisë, me qëllim forcimin e konkurrencës dhe autonomisë strategjike të Bashkimit Evropian.
Më shumë informacione për këtë iniciativë, mund të gjeni këtu.