Целта на поддршката за маркети и вмрежување е да се подобри промоцијата на европската содржина на глобалниот пазар и да се поттикне соработката меѓу сите субјекти од аудиовизуелниот вредносен синџир за заедничко креирање и промоција на европски аудиовизуелни дела.
Соработката на професионалците од аудиовизуелниот сектор и промоцијата на европските дела се остварува преку поддршка на два вида проекти и активности:
• Маркети фокусирани на специфичен вид филмови и иновативна содржина, или вмрежување на
• Маркети кои презентираат сличен жанр/теми или се наоѓаат во истиот регион;
• Активности за вмрежување и соработка меѓу мрежите низ целиот вредносен синџир за промоција на европски таленти и дела.
Очекувано влијание
• Да се подобри иновативниот аспект на постојните европски маркети за професионалци и да се зголеми нивното системско влијание;
• Да се поттикне создавањето мрежи на маркети;
• Да се поттикне развојот на мрежи меѓу европските професионалци со цел заедничко креирање серии;
• Да се промовираат одржливоста и процесот на „озеленување“ на маркетите;
• Да се подобрат конкурентноста, циркулацијата и промоцијата на европските аудиовизуелни дела на меѓународните маркети;
• Да се зголеми разновидноста и вклученоста на маркетите и мрежите;
• Да се обезбеди европската аудиовизуелна индустрија да ги користи целосно технолошките и деловните иновации.
Опсег
Маркети
• Индустриски настани – физички, дигитални или хибридни – фокусирани на B2B- размена меѓу европските професионалци од аудиовизуелниот сектор, олеснување на копродукции и продажба и покажување на структурирачкиот ефект врз европскиот аудиовизуелен екосистем, како и влијание врз промоцијата и продажбата на европски аудиовизуелни дела на глобалните пазари. Активностите и настаните треба да се приспособат на моменталните пазарни трендови и да вклучуваат иновативна содржина (видеоигри, VR, XR, AI, крос-медиуми), анимација или жанровски аудиовизуелни дела.
• Мрежите на пазари, организирани околу тематска основа или географски, треба да го зголемат своето влијание врз аудиовизуелната индустрија. Затоа тие можат да опфатат, на пример, неколку филмски пазари од одредени региони, и тоа неколку пазари фокусирани на специфични видови дела (т. е. содржина за деца, документарци, анимација, видеоигри, AR, VR) или и двете.
Вмрежување
Вмрежувачките активности ќе придонесат за промоција на европските дела и консолидација на аудиовизуелниот екосистем низ целиот вредносен синџир. Овие мрежи можат да предложат:
• Активности поврзани со различни постојни пазари во и надвор од земјите што учествуваат во МЕДИА. Ваквите активности ќе вклучуваат промотивни активности од бизнис до бизнис, вклучително и финансиска поддршка на трети страни, насочени кон олеснување на дистрибуцијата на европски аудиовизуелни дела или размена на најдобри практики, со посебен фокус на иновативни технологии и деловни практики или
• Активности поврзани со заедничко креирање серии, што доведува до продажни и конкурентни европски серии.