Онлајн настан на тема:
Презентација на новинарски идеи за повикот за „Новинарски партнерства 2026“
Датум: 11 декември 2025 година
Време: 14:00 – 15:30 ч. (по средноевропско време)
Канцелариите на Креативна Европа од тринаесет земји ве покануваат на онлајн настан на кој ќе бидат презентирани новинарски идеи, со цел заинтересираните медиумски организации и други релевантни чинители да пронајдат партнери и да се вклучат во проектни предлози за претстојниот повик за „Новинарски партнерства 2026“ (со краен рок за аплицирање: 4 февруари 2026 година).
Целта на овој повик е да се поттикне соработка и иновативни активности што ги поддржуваат разновидноста, независноста и плурализмот на медиумскиот простор, како и медиумската писменост, со истовремено јакнење на слободата на уметничкото изразување, меѓукултурниот дијалог и општествената инклузија. Приоритет е поддршката на активности што им помагаат на медиумите да се приспособат на структурните и технолошките промени, особено во дигиталната средина.
Повикот опфаќа две теми:
(1) Новинарски партнерства – соработка и
(2) Новинарски партнерства – плурализам
Пријави го своето учество на настанот:
За да учествувате, регистрирајте се најдоцна до 10 декември 2025 година, 18:00 часот, преку следниот линк:
https://europacriativa-eu.zoom.us/webinar/register/WN_UXTZtDMSS0OXisksAhJTHw#/registration
Сите пријавени учесници ќе добијат Zoom-линк еден ден пред настанот.
Настанот ќе биде снимен, а работниот јазик е англиски.
Програма на настанот
Прв дел: Презентација на проектни идеи (Pitching)
• Секоја презентација ќе трае до 5 минути
• Потоа следуваат 2 – 3 минути за прашања и одговори
Втор дел: Вмрежување (Networking)
• Учесниците ќе можат да се поврзат со организациите кои ги презентираат своите идеи преку виртуелни соби
• Овој дел ќе овозможи размена на искуства, идеи и воспоставување потенцијални партнерства