Комисијата го претстави новиот стратегиски документ „Културен компас за Европа“, со кој се поставува сеопфатна визија за иднината на културата во ЕУ. Со оваа стратегија, Европската комисија го препознава и сака целосно да го искористи потенцијалот на културата за Европа, истовремено одговарајќи на предизвиците со кои се соочуваат културните и креативните сектори.
Стратегијата укажува дека за да се искористи целиот потенцијал на културата, неопходно е да се адресираат најитните проблеми што ги засегаат овие сектори, како што се:
• заканите за уметничка слобода;
• несигурните услови за работа на уметниците;
• нееднаквиот пристап до култура;
• влијанието на вештачката интелигенција.
За да се справи со овие предизвици, „Културен компас за Европа“ поставува четири клучни насоки за политиките на ЕУ:
• зачувување и јакнење на европските вредности и културните права;
• овластување на уметниците и на културните професионалци и поддршка за граѓаните;
• користење на културата и културното наследство за поголема конкурентност, отпорност и кохезија;
• промовирање на меѓународни културни односи и партнерства.
Во рамките на оваа иницијатива, Комисијата предложи заедничка декларација која треба да биде разгледана и потпишана од Европскиот парламент и од Советот, со цел да се зајакне политичката посветеност кон визијата за културата како интегрален дел од идентитетот и развојот на ЕУ.
Исто така, стратегискиот документ предлага клучни мерки заради остварување на дефинираните цели, и тоа:
• ЕУ-повелба за уметници;
• нов ЕУ-центар за културни податоци;
• нов ЕУ-извештај за состојбата на културата;
• стратегија за вештачка интелигенција применлива во културните и креативните сектори.
Повеќе информации за „Културен компас за Европа“ може да најдете тука.