По официјалното усвојување на новата програма Креативна Европа 2021-2027, на 28 мај 2021, распишани се и првите конкурси.
Клучните приоритети на МЕДИА потпрограмата во новиот циклус се зголемена европска соработка, понатамошна дигитализација на индустријата како и хоризонтални приоритети на одржливост и разновидност, кои навлегуваат во целата програма.
Благодарение на значајното зголемување на буџетот, Креативна Европа ке има на располагање 2,44 милијарди евра во наредните седум години, од кои повеќе од 1,4 милијарди евра (58%) е определено за МЕДИА потпрограмата.
Најважните измени во новата МЕДИА потпрограма
МЕДИА потпрограмата започнува нов седумгодишен циклус со нова структура во чии рамки конкурсите се поделени во четири групи:
1.Содржина: Поттикнување на соработка и иновации во создавање и произведување на висококвалитетни дела.
2.Бизнис: Промоција на деловни иновации, конкурентност, овозможување на раст и развој на талент со цел зајакнување на европската индустрија во однос на глобалните конкуренти.
3.Публика: Зголемување на достапност и видливост на аудиовизуелни дела кај потенцијалната публика по пат на дистрибуција и иницијатива за развој на публика.
4.Културна политика: Подршка на форуми за политичка дискусија/размена, истражувања и извештаи.Промовирање на активности кои имаат за цел подигање на свеста за различните аспекти на индустријата.
