Линк: Fostering European media talents and skills (CREA-MEDIA-2022 -TRAINING)
На 10 февруари 2022 година, Европската комисија, во рамките на Програмата „Креативна Европа 2021 – 2027“- МЕДИА, го објави Повикот за Негување на европски медиски таленти и вештини за 2022 година, со краен рок за поднесување на електронските апликации 4 мај 2022 година, до 17ч.
Култивирање на европски медиумски таленти е поддршка насочена кон градење на вештини и капацитети на професионалци од аудиовизуелната дејност. Целта на оваа поддршка е да се зајакне капацитетот на професионални лица за прилагодување кон нови креативни процеси и деловни модели за целосно да ги искористат можностите кои ги нудат дигиталните иновации. Посебен акцент е ставен врз стекнувањето на претприемачки вештини и знаeња за развојот на пазарните и дигиталните технологии, односно анализи на податоци, одржливи деловни модели, интернационализација, маркетинг, промоција, развој на публика, реставрација на филмското наследство, како и „позеленување“ (greening) на индустријата, преку тренинзи наменети за еколошки консултанти (greening consultants) со цел да се стекнат со практично знаење.
Кој може да аплицира?
На повикот Култивирање на европски медиумски таленти и вештини можат да се пријават субјекти кои се:
- Регистрирани како правни лица (јавни или приватни правни лица);
- Регистрирани во држава која е дел од Креативна Европа (држави членки на Европската Унија, држави кои се дел од Европската економска област и држави кои не се дел од Европската Унија, но се членки на програмата Креативна Европа – целата листа е достапна на следниот линк);
- Регистрирани на дигиталната платформа (достапна на следниот линк).
Поддршката е достапна за:
- Активности во форма на физички и/или онлајн курсеви, кампови и/или менторски програми засновани на иновативни методи на учење, настава, менторство и обука, користејќи ги најновите дигитални технологии;
- Надоградување на вештини и знаења прилагодени на еволутивните пазарни практики наменети за професионалци од аудиовизуелната индустрија, особено млади професионалци, како и професионалци од стартап компании;
- Активности во кои мнозинството од учесници е од различна националност од онаа на апликантот.
Цели:
- Стекнување на нови знаења, вештини и стручност низ аудиовизуелниот синџир на вредности, особено дигитални вештини;
- Развој на нови деловни модели и зајакнување на меѓународната соработка во аудиовизуелниот сектор;
- Промовирање на деловни стратегии кои обезбедуваат поодржлива и поеколошка индустрија, како и различност и вклученост;
- Обуки за одржливост и еколошки решенија во аудиовизуелната индустрија;
- Негување на млади таленти и поддршка на стартап компании во аудиовизуелната индустрија.
Достапно финансирање
Максималниот износ на кофинансирање изнесува 80% од вкупниот буџет на проектот. Времетраењето на проектите во рамките на овој повик е до 36 месеци.
Подетални информации за повикот Култивирање на европски медиумски таленти и вештини, се достапни на следниот линк.
Апликацијата се пополнува и се доставува онлајн преку Порталот за финансирање и можности за тендери (FTOP) на Европската комисија, во согласност со крајниот рок.
За повеќе информации поврзани со Повикот можете да се обратите до Одделението за Креативна Европа на ЕУ – Потпрограма Медиа при Агенција за филм на Република Северна Македонија.
Е-пошта: media@ced.mk
Е- пошта: mirchevska.ivana@filmagency.gov.mk
ул. 8 Март бр. 4, 1000 Скопје, Северна Македонија
тел. +389 2 3224 100 / факс. +389 2 3224 111
www.filmagency.gov.mk