Меѓусекторската соработка помеѓу аудиовизуелниот сектор и другите културни и креативни сектори (ККС) е од суштинско значење за овој повик. Предлог проектите треба јасно да го потврдат меѓусекторскиот пристап, условите за негово спроведување и очекуваните придобивки за секторите кои се опфатени со проектите. За повикот се обезбедени се средства во вкупен износ од 5.001.863 евра.
Цели
Повикот има за цел да ја помогне еколошка транзиција на аудиовизуелниот сектор и ККС и/или да ја подобри конкурентноста и/или циркулацијата, видливоста, пристапноста, разновидноста и публиката на европските содржини преку границите. Поддршката, исто така, има за цел да им овозможи на овие сектори соодветно да се прилагодат на можностите што ги нуди развојот на вештачката интелигенција и виртуелните светови.
Теми и приоритети
- Поттикнување на нови форми на создавање кои се на крстопат помеѓу различните културните и креативните сектори, на пример преку креирање на експериментални пристапи и употреба на иновативни технологии;
- Зајакнување на иновативните меѓусекторски пристапи и алатки кои, опфаќаат повеќејазични и социјални димензии во насока да се олесни нивната дистрибуција, промоција и монетизација, како и пристап до културата и креативноста, вклучувајќи го и културното наследство.
Повикот ќе ги поттикне организациите од различните културни и креативни сектори, вклучувајќи ги и оние од аудиовизуелниот сектор во дизајнирањето и тестирањето на иновативни решенија за клучните предизвици и кои ќе имаат позитивно долгорочно влијание врз културните и креативните сектори.
Очекувани влијанија
- Подобрување на конкурентноста на европскиот аудиовизуелен сектор и ККС во следните области: транспарентност, собирање податоци/big data и соодветна употреба на вештачка интелигенција/, адаптација на предизвиците и можностите поттикнати од тековните промени во овие сектори;
- Подобрување на прилагодувањето на европскиот аудиовизуелен сектор и ККС кон можностите што ги нуди развојот на виртуелните светови.
- Подобрување на производството/финансирањето и циркулацијата на европските аудиовизуелни и културни содржини во дигиталната ера;
- Подобрување на видливоста, пристапноста и различноста на европските аудиовизуелни и културни содржини во дигиталната ера;
- Зголемување на потенцијалната публика на европски аудиовизуелни и културни содржини во дигиталната ера.
- Забрзување на еколошката транзиција на европскиот аудиовизуелен сектор и ККС во согласност со приоритетите на Европскиот зелен план и Новиот Европски Баухаус.
Проектите треба да се фокусираат на една (или неколку теми):
- Виртуелни светови како нова средина за промовирање на европска содржина, развој на публика и конкурентност на соодветните европските индустрии.
- Иновативни деловни алатки за производство, финансирање, дистрибуција или промоција овозможени или подобрени со нова технологија (AI, big data, blockchain, Metaverse, NFT, итн.)
Особено ќе се земат предвид следниве активности:
- управувањето со правата и монетизација (вклучувајќи ги иновативните пакет понуди за претплата за пристап до различни европски културни содржини од различни постоечки европски платформи), истовремено обезбедувајќи транспарентност и правично наградување за креаторите и уметниците;
- собирање и анализа на податоци, со посебен акцент на антиципирање на нови содржини и развој на публиката (вклучувајќи иновативни меѓусекторски алатки за подобрување на квалитетот на претплатничката услуга и подобра валоризација на европските содржини понудени од европските интернет платформи);
- Позеленети“ практики за намалување на влијанието на аудиовизуелните и другите културни сектори врз животната средина во согласност со Европскиот зелен план и иницијативата Нов Баухаус.
Квалификувани апликанти:
- Правни лица (приватни или јавни) кои работат и се регистрирани во земјите учеснички во Програмата Креативна Европа.
- Апликацијата може да ја поднесе еден партнер или партнерски конзорциум составен од најмалку 2 партнери.
Поканети се да учествуваат широк спектар на организации, вклучително и приватни и јавни субјекти, технолошки компании и старт-ап, аудиовизуелни, културни и креативни организации. Посебно се охрабрува учеството на бизнис инкубатори и акцелератори за да обезбедат простор и време за да се обликуваат креативните идеи.
Времетраење на проектите: до 24 месеци.
Начин на подготовка и доставување на предлог-проектите/апликацијата
- Предлог-проектите се подготвуваат во согласност со критериумите и условите наведени во документот за повикот: Creative Innovation Lab (CREA-CROSS-2025-INNOVLAB), Version 1.0, 22 October 2024.
Линкови до Повикот и документот на повикот може да најдете тука и тука - Апликациите се обработуваат и се поднесуваат електронски преку Funding &Tenders Opportunity Portal (F&TP) : Информации за пристапување до F&TP може да најдете тука